Por estrada: É o principal acceso a Narón. Na actualidade a autoestrada AP-9 Ferrol-Narón-Madrid ten un enlace có núcleo urbano na área de Freixeiro, a través de una vía de alta capacidad. Na actualidade estánse construíndo novos tramos que unirán outras zonas do Concello, como A Gándara e O Ponto, co núcleo urbano e, ademáis, unha conexión co Polígono Industrial Río do Pozo.A autovía A-64, Ferrol-As Pontes-Vilalba, posúe tres accesos no término municipal en Sedes, Castro e o Polígono Industrial Río do Pozo. A estas hai que engadir unha extensa rede de estradas, a Estrada de Castela que nos seus seis quilómetros e medio atravesa o núcleo urbano do Concello ata chegar a Ferrol e as estradas autonómicas Ferrol-Cedeira e Ferrol-Ribadeo. Varias liñas de autobuses comunican o término municipal cos concellos limítrofes.

Por tren: O ferrocarril Ferrol-Xixón, de FEVE, é unha boa alternativa ao transporte por estrada, sobre todo no referente ás viaxes de proximidades, xa que os oito apeadeiros existentes no concello achegan as áreas rurais á zona urbana. Aínda que tamén discorre superficialmente polo municipio, a liña Ferrol-Madrid (RENFE) non ten estación en Narón, de xeito que cómpre desprazarse aos concellos limítrofes de Ferrol ou Neda para coller este tren.

Por aire: En canto ao transporte aéreo, hai que mencionar a proximidade dos aeroportos da Coruña e Santiago, a menos dunha hora de viaxe por autoestrada/estrada desde Narón. Esta situación converte esta opción nunha forma de desprazamento moi interesante para aqueles que viaxen ata o concello desde lejos.